GDR PONTEVEDRA - MORRAZO

2011-06-03T02:10:00.000-07:00

Este blog xa non está operativo.
Consulta a nova páxina web http://www.gdrpontevedramorrazo.eu

A convocatoria de axudas do programa LEADER Pontevedra-Morrazo 2007-2013 entra no tramo final da anualidade 2011

2011-04-11T01:07:00.000-07:00

Se tes algunha iniciativa ou proxecto de emprendemento para desenvolver dentro dos concellos das comarcas de Pontevedra e O Morrazo (Barro, Bueu, Campo Lameiro, Cangas, Cotobade, A Lama, Marín, Moaña, Poio, Ponte Caldelas, Pontevedra e Vilaboa), poden ser do teu interese as nosas liñas de axuda:

Folleto liñas de axuda programa LEADER 2007-2013

Para calquera información ou consulta non dubides en chamarnos. Agardámoste en Rúa Santa Clara 4-2º Pontevedra

O GDR Pontevedra–Morrazo inicia o proceso de renovación da xunta directiva e define as liñas de traballo para o 2011 a través das mesas sectoriais

2010-12-21T03:46:00.000-08:00

Os días 13 ,14, 15 e 16 de decembro tiveron lugar no Pazo de Cultura do concello de Pontevedra, as reunións en sesións de mañá e tarde das mesas sectoriais do GDR Pontevedra-Morrazo para proceder ao nomeamento de representantes como paso previo para a renovación da xunta directiva e para priorizar as posibles actuacións do GDR no 2011.

No seminario 2 do Pazo de Cultura foron convocadas as 125 asociacións que integran as diferentes mesas sectoriais de; Comunidades de Montes, económica e laboral, de turismo e artesanía, de igualdade, de asociacións xuvenís, culturais e de veciños, do terceiro sector, a mesa agro-gandeira e de medio ambiente.

Rematado o proceso de nomeamento das diferentes mesas sectoriais o representantes deberán ser ratificados en Asemblea xeral do GDR, para adquirir a condición de vogal da Xunta directiva. O seu nomeamento será por un período de dous anos e poderán ser reelexidos unha ou mais veces consecutivas ata unha duración máxima no cargo de oito anos.

Nestas xuntanzas ademais deste asunto, deuse conta da situación e marcha do programa; dos cambios previstos como consecuencia das modificación das Bases Reguladoras do programa Leader 2007-2013, e dos proxectos de cooperación en curso.

Finalmente salientáronse as liñas de traballo abertas e de interese para o 2011 como son: a comercialización de produtos agroalimentarios a través de canles alternativos, o desenvolvemento e valorización da viticultura da zona a través da indicación xeográfica protexida Viños da terra ,a creación dunha rede de bancos de tempo, o proxecto de cooperación para a creación dunha plataforma virtual para a venda de madeira polas comunidades de montes veciñais de man común e propietarios particulares e a participación no proxecto dunha rede de paisaxes culturais.
Para máis información 695.333.087

Vindeiras reunións das mesas sectoriais do GDR Pontevedra – Morrazo para o mes de Decembro do 2010

2010-12-10T05:43:00.000-08:00

Comeza a execución do proxecto “Adquisición da Marca de Calidade Territorial Europea”

2010-09-21T00:00:00.000-07:00

O GDR Pontevedra–Morrazo comeza a execución do proxecto “Adquisición da Marca de Calidade Territorial Europea”-Convocatoria 2010- coa súa participación nas Xornadas sobre a identidade territorial, responsabilidade social pública e das empresas no territorio, e sobre xestión, control e implantación das marcas territoriais, celebradas en Barbastro (Somontano-Huesca) os días 14, 15 e 16 de setembro.

O Ministerio de Medio Ambiente y Medio Rural y Marino ven publicar no BOE de data 9 de setembro, a resolución definitiva pola que se concede unha subvención de 500.000 euros destinados ao proxecto de cooperación interterritorial: “Adquisición da Marca de Calidade Territorial Europea, fase de execución” no que participa como único socio de Galicia o GDR Pontevedra-Morrazo.

Lembremos que este proxecto pretende construír unha Marca de Calidade Territorial propia en cada un dos territorios participantes, homologada pola MCTE a partires da transferencia da experiencia, coñecementos, regulamentos e metodoloxías xa desenvolvidas por outros territorios. Esta iniciativa de cooperación conta con 28 grupos e un orzamento para o período 2010-2013 de 500.000 euros.

O proxecto, tras a súa reformulación, contempla como primeira acción as Xornadas sobre a identidade territorial, responsabilidade social pública e das empresas no territorio, e sobre xestión, control, e implantación das marcas territoriais.

O evento -celebrado no corazón da comarca do Somontano-Huesca os días 14 ,15 e 16 de setembro- contou coa presenza do xerente do GDR Pontevedra-Morrazo, xunto co persoal técnico e representantes das entidades participantes das comarcas de Aragón, Andalucía, Asturias, Castilla León, Cantabría, Castilla La Mancha, Estremadura e Galicia.

A través paneis, talleres e ponencias, tratáronse os pasos ,trámites etc que cada grupo deberá dar; indicadores mínimos que se deberán contemplar no ámbito da responsabilidade social ,económica e ambiental das respectivas marcas e dos instrumentos e órganos necesarios para a xestión do proceso. Finalmente planificáronse as actuacións de cooperación futuras.

Para máis información 695.333.087

A Mesa-coloquio de Pontevedra puxo fin as xornadas“Emprender no rural: perspectivas económicas e culturais” que organizou o GDR Pontevedra-Morrazo

2010-07-15T00:00:00.000-07:00

O CONTORNO RURAL ENGADE VALOR AS EMPRESAS; con esta premisa arrancaba onte no Pazo de Cultura a 2ª edición da Mesa-Coloquio: “EMPRENDER NO RURAL: PERSPECTIVAS ECONÓMICAS E CULTURIAS”, dentro das actividades de difusión do programa LEADER que organizou o GDR Pontevedra-Morrazo.

O rural galego precisa que pequenas empresas se instalen no seu territorio para manterse vivo, e reciprocamente, o rural engade valor a aqueles produtos ou servizos que se desenvolven nese contorno. Esta é unha das conclusións destacadas das xornadas celebradas baixo o título de “Emprender no rural: perspectivas económicas e culturais”, que onte se pecharon no Pazo da Cultura de Pontevedra.

Estas xornadas, que naceron ao abeiro da convocatoria de axudas do programa Leader Pontevedra Morrazo 2007-2013, tiñan como obxectivo, ademais de informar das distintas liñas de subvención para emprender no rural, promover o intercambio de experiencias empresariais e facilitar o contacto de emprendedores cos promotores das empresas convidadas.

A mesa coloquio, presentada polo xerente do GDR, José Mª Tobío Iglesias, e moderada pola socióloga Mercedes Fernández Gestido, facilitou que as tres empresas convidadas - Arqueixal, Amorodo e Pandarán -, de carácter innovador e fortemente comprometidas co seu contorno económico e social, foron quen de transmitir aqueles aspectos clave á hora de poñer en marcha as súas iniciativas empresariais, así como de falarmos das circunstancias ou especificidades que aos seus negocios.

Esta II Mesa Coloquio estivo precedida da conferencia de Antonio Montero Carro titulada “A singularidade cultural do rural galego como factor de competitividade empresarial”. Na charla sinalouse o gap existente entre as potencialidades do rural galego e a súa realidade, que deixa latente unha falla de certos elementos dinamizadores, entre eles a debilidade do asociacionismo galego.

Máis información no teléfono 695.333.087

II Mesa Coloquio “EMPRENDER NO RURAL: perspectivas económicas e culturais” en Pontevedra

2010-07-12T00:00:00.001-07:00

O pasado día 8 celebrouse en Moaña a I Mesa-Coloquio baixo o título de “EMPRENDER NO RURAL: PERSPECTIVAS ECONÓMICAS E CULTURIAS”, dentro das actividades de difusión das axudas do programa LEADER Pontevedra-Morrazo 2007-2013.

Tres empresas de carácter innovador e fortemente comprometidas co seu contorno económico e social foron quen de transmitir aqueles aspectos clave á hora de poñer en marcha as súas iniciativas empresariais, así como de falarmos das circunstancias que arrodean o día a día nos seus lugares de traballo.

Tratáronse aspectos tan relevantes como a planificación para a posta en marcha da empresa, a identificación das necesidades dos clientes e dos valores asociados ós seus produtos, o peso do factor do contorno rural como valor engadido, os procedementos de escoita e comunicación cos seus clientes, e outros tantos temas. Os representantes das empresas O Fogar do Santiso, Milhulloa e Algamar conseguiron tratar todos estes temas, pero ademais elevaron o discurso dende a realidade socioeconómica até a responsabilidade social, aspecto no que as súas iniciativas son exemplo a seguir e a apoiar dende a sociedade e as súas institucións.

Na conferencia que precedeu ao acto, o profesor Xavier Simón Fernández manifestou que “non podemos esperar a que veñan dende fóra a darnos solucións”, teñen que ser os propios axentes do territorio os que implanten iniciativas que fagan viable un desenvolvemento do rural sostible. A través dunha serie de casos radicados en Galicia, o poñente puxo de manifesto que é viable emprender no rural e que o camiño que deben seguir estas iniciativas ha de integrar todos os elementos dispoñíbeis: tradicións, cultura, recursos materiais endóxenos e tamén as novas tecnoloxías.

O vindeiro mércores, co mesmo formato e diferentes poñentes, celebraremos en Pontevedra, a 2º edición destas mesas-coloquio: “Emprender no rural: perspectivas económicas e culturais” (programa adxunto). Tres experiencias empresariais vannos aproximar aos factores clave para emprender con éxito no rural galego. Ao redor dunha mesa coloquio, reuniranse os promotores destas empresas nun debate moderado pola la socióloga Mercedes Fernández Gestido.

As protagonistas son pequenas empresas que desenvolven a súa actividade no rural, e que utilizan ese contorno como un elemento que lles engade valor. Todas elas están presentes no mercado cun produto diferenciado, facéndose un oco entre as marcas de consumo masivo.

A mesa coloquio vai a estar precedida dunha breve conferencia impartida por Antonio Montero Carro baixo o título de “A singularidade cultural do rural galego como factor de competitividade empresarial“.

Dentro do marco da dinamización empresarial e cultural no contorno rural que persegue o GDR Pontevedra-Morrazo, esta actuación pretende os seguintes obxectivos:

- Divulgar o programa Leader e a convocatoria de axudas 2007-2013 que xestiona o GDR Pontevedra Morrazo.
- Promover o intercambio de experiencias empresariais consolidadas do contorno rural galego.
- Identificar sinerxias entre os eidos empresariais e culturais.
- Facilitar o contacto de emprendedores cos promotores das empresas convidadas.
- A través das experiencias expostas identificar os elementos clave que poden levar o éxito aos emprendedores do rural.
- Mellorar o coñecemento dos participante sobre o contorno empresarial rural.
- Posta en valor da PEME rural.
- Testar as potencialidades da cooperación empresarial no contorno rural.

Este acto nace ao abeiro da convocatoria de axudas do programa Leader Pontevedra Morrazo 2007-2013, que ofreces distintas liñas de axuda para emprender no rural.

Máis información no teléfono 695.333.087
Podes consultar aquí o programa da xornada

II Mesa Coloquio “EMPRENDER NO RURAL: perspectivas económicas e culturais” en Pontevedra

2010-07-12T00:00:00.000-07:00

O GDR Pontevedra – Morrazo organiza a II Mesa Coloquio “EMPRENDER NO RURAL: perspectivas económicas e culturais”, que se vai celebrar no Pazo da Cultura de Pontevedra o día 14 de xullo, en xornada de tarde, segundo programa que podedes descargar aquí.

Mesa Coloquio “EMPRENDER NO RURAL: perspectivas económicas e culturais”

2010-07-05T00:00:00.000-07:00

O GDR Pontevedra – Morrazo organiza a I Mesa Coloquio “EMPRENDER NO RURAL: perspectivas económicas e culturais”, que se vai celebrar no Concello de Moaña o día 8 de xullo, en xornada de tarde, segundo programa que podedes descargar aquí.

Tres experiencias empresariais vannos aproximar aos factores clave para emprender con éxito no rural galego. Ao redor dunha mesa coloquio, reuniranse os promotores destas empresas nun debate moderado pola socióloga Mercedes Fernández Gestido.

A mesa coloquio vai a estar precedida dunha breve conferencia impartida por Xavier Simón Fernández baixo o título de “Por un novo rural agroecolóxico: actores e experiencias”.

A Asemblea Xeral do GDR Pontevedra –Morrazo aproba as contas anuais do 2009 e afronta o 2010 con novos proxectos de Cooperación

2010-06-03T00:00:00.001-07:00

O mércores 26 de maio celebrouse, no salón de actos do Pazo de Cultura do concello de Pontevedra, a reunión ordinaria da Asemblea Xeral do GDR Pontevedra- Morrazo presidida polo Alcalde de Pontevedra e Presidente do GDR, D. Miguel Anxo Fernández Lores.
Os temas económicos tamén centraron a parte máis importante da orde do día, aprobando as contas anuais do 2009 e o informe de xestión do citado exercicio e dando conta da situación financeira do Grupo e do Programa LEADER 2007-2013 que encara un ano 2010 marcado polas restriccións orzamentarias da Xunta de Galicia .
Ademais, informouse da participación do GDR pontevedra-Morrazo nos seguintes proxectos de cooperación interterritorial no marco da Red Rural Española convocatoria 2010:

1. ADQUISICIÓN DA MARCA DE CALIDADE TERRITORIAL EUROPEA (Fase de execución)
· DESCRICIÓN: Construír unha Marca de Calidade Territorial propia en cada un dos territorios, homologada pola MCTE a partires da transferencia da experiencia , coñecementos, regulamentos e metodoloxías xa desenvoltas por outros territorios.
· ORZAMENTO SOLICITADO : 2.000.000 EUROS
· ORZAMENTO POR GRUPO: 56.101 euros
· 30 GRUPOS
· PERÍODO:2010-2013

2. MELLORA DAS ESTRUCTURAS DE COMERCIALIZACIÓN AGROALIMENTARIAS (COMAGROAL convocatoria 2010)
· DESCRICIÓN:Preténdese desenvolver acordos de colaboración en actividades de comercialización conxunta, aproveitando o know-how e a experiencia acumulada doutros territorios, aglutinando esforzos a través de plataformas comúns que proporcionen sinerxías e economías de escala necesarias para a súa viabilidade.ACCIÓNS:
- Identificación dos recursos do territorio
- Creación de grupos de consumo locais
- Desenvolvemento de infraestruturas de comercialización
- Accións de promoción e difusión
- Avaliación
· ORZAMENTO SOLICITADO: 593.000 EUROS
· 5 GRUPOS
· PERÍODO: 2010-2013

Ademais ratificouse o compromiso de participación do GDR na Convocatoria de Proxectos Pilotos do Ministerio de Medio Ambiente, y Medio Rural y Marino co proxecto “DESARROLLO DE LA CADENA DE VALOR DE LA PRODUCCIÓN ECOLÓGICA A TRAVÉS DE REDES SOCIALES” promovido a través de la Sociedad Española de Agricultura Ecológica (SEAE)
· DESCRICIÓN: Trátase de establecer un sistema de Redes sociais a través de internet, para contribuír dun xeito sostible e participativo ao desenvolvemento da cadea de valor dos produtos ecolóxicos.
· ORZAMENTO: 1.635.500 euros
· 17 GRUPOS
· PERÍODO: 2010-2013

Finalmente, informouse da marcha da convocatoria de axudas do programa LEADER Pontevedra–Morrazo 2007–2013, dando conta das diferentes iniciativas que están en fase de tramitación:
- Restaurante para aldea rural en Poio
- Centro de exposición, interpretación e actividades de micoloxía aplicada
- Creación dunha Microcervexería artesanal
- Empresa servizos para industria eólica
- Rede Wimax-Wifi de interconexión de centros socioculturais
- Valorización de elementos etnográficos
- Rehabilitación Centro Cultural e creación de auditorio
- Granxa caracois
- Carpintería de madeira para exteriores
- Empresa especializada en proxectos e instalacións de enerxías renovables
- Empresa de servizos turísticos,rotas a cabalo etc.
- Modernización de explotación gandeira en ecolóxico etc
...

Para máis información 695.333.087

A Xunta Directiva do GDR Pontevedra –Morrazo aproba a participación do Grupo en tres proxectos de Cooperación da convocatoria 2010 do MARM

2010-06-03T00:00:00.000-07:00

Na reunión ordinaria, celebrada este mércores 05 de maio, no seminario 8 do Pazo de Cultura do concello de Pontevedra, presidida polo Alcalde de Pontevedra e Presidente do GDR, D. Miguel Anxo Fernández Lores, ratificouse a participación do GDR pontevedra-Morrazo nos seguintes proxectos de cooperación interterritorial no marco da Red Rural Española convocatoria 2010:

1. ADQUISICIÓN DA MARCA DE CALIDADE TERRITORIAL EUROPEA (Fase de execución)
· DESCRICIÓN: Construír unha Marca de Calidade Territorial propia en cada un dos territorios, homologada pola MCTE a partires da transferencia da experiencia , coñecementos, regulamentos e metodoloxías xa desenvoltas por outros territorios.
· ORZAMENTO SOLICITADO : 2.000.000 EUROS
· ORZAMENTO POR GRUPO: 56.101 euros
· 30 GRUPOS
· PERÍODO:2010-2013

2. MELLORA DAS ESTRUCTURAS DE COMERCIALIZACIÓN AGROALIMENTARIAS (COMAGROAL convocatoria 2010)
· DESCRICIÓN:Preténdese desenvolver acordos de colaboración en actividades de comercialización conxunta, aproveitando o know-how e a experiencia acumulada doutros territorios, aglutinando esforzos a través de plataformas comúns que proporcionen sinerxías e economías de escala necesarias para a súa viabilidade.
· ACCIÓNS:
- Identificación dos recursos do territorio
- Creación de grupos de consumo locais
- Desenvolvemento de infraestruturas de comercialización
- Accións de promoción e difusión
- Avaliación
· ORZAMENTO SOLICITADO: 593.000 EUROS
· 5 GRUPOS
· PERÍODO: 2010-2013

Ademais, ratificouse o compromiso de participación do GDR na Convocatoria de Proxectos Pilotos do Ministerio de Medio Ambiente, y Medio Rural y Marino co proxecto “DESARROLLO DE LA CADENA DE VALOR DE LA PRODUCCIÓN ECOLÓGICA A TRAVÉS DE REDES SOCIALES” promovido a través de la Sociedad Española de Agricultura Ecológica (SEAE)
· DESCRICIÓN: Trátase de establecer un sistema de Redes sociais a través de internet, para contribuír dun xeito sostible e participativo ao desenvolvemento da cadea de valor dos produtos ecolóxicos.
· ORZAMENTO: 1.412.484 euros
· 17 GRUPOS
· PERÍODO: 2010-2013

Os temas económicos tamén centraron unha parte importante da orde do día, dando conta da situación financeira do Grupo e do programa e aprobando para súa remisión e aprobación pola Asemblea Xeral, as contas anuais do 2009 e o informe de xestión do citado exercicio

Finalmente, informouse da marcha da convocatoria de axudas do programa LEADER Pontevedra–Morrazo 2007–2013, dando conta das diferentes iniciativas que están en fase de tramitación:
- Restaurante para aldea rural
- Centro de exposición, interpretación e actividades de micoloxía aplicada
- Empresa de deseño e produción de alta costura
- Creación dunha Microcervexería artesanal
- Empresa servizos para industria eólica
- Rede Wimax-Wifi de interconexión de centros socioculturais
- Valorización de elementos etnográficos
- Rehabilitación de centro cultural e creación de auditorio
- Granxa caracois
- Carpintería de madeira para exteriores
- Empresa especializada en proxectos e instalacións de enerxías renovables
- Empresa de servizos turísticos,rotas a cabalo etc.
- Modernización de explotación gandeira en ecolóxico etc
...

Para máis información 695.333.087

O GDR Pontevedra-Morrazo fai balance na Asemblea Xeral da posta en marcha do programa Leader

2010-01-07T15:16:00.000-08:00

O pasado luns 21 de decembro, no salón de actos do Pazo de Cultura do concello de Pontevedra celebrouse a Asemblea Xeral ordinaria do GDR Pontevedra-Morrazo.
Na reunión, que estivo presidida polo Alcalde de Pontevedra e Presidente do GDR, D. Miguel Anxo Fernández Lores, tratáronse, entre outros, os seguintes asuntos:
· A sinatura do convenio entre AGADER e o GDR, para aplicación do Programa Leader Pontevedra–Morrazo 2007–2013, polo que se lle concederon ao Grupo un total de 4.435.542,89 euros de fondos públicos
· A selección e contratación do equipo xestor e a aprobación da ubicación definitiva, previo acondicionamento, da oficina técnica do GDR, nas instalacións da antiga escola infantil Os Campos situada en Mourente, rúa Os Campos nº 19 (Pontevedra)
· Ratificouse a apertura da Convocatoria de axudas do 24 de agosto de 2009; as Bases, coas súas especificidades, cadro financeiro, baremo etc de aplicación no programa Leader Pontevedra–Morrazo 2007-2013
· Deuse conta da entrada de 15 novos socios que solicitaron a súa adhesión e que fan un total de 138 asociados: Asociación Agarimo, asociación cultural deportiva Tenlo (Marín), asociación Hispano Alemana de Marín, asociación cultural e xuvenil Meiramar-Axóuxeres (Moaña),confraría de pescadores San Telmo de Pontevedra, comunidade de montes de Tourón, comunidade de montes de Tarrio – Samieira, asociación de mulleres Arela, consello regulador da denominación de orixe Rías Baixas, Cadrante amigos dos reloxos de sol (Marín), asociación Club Náutico de Raxó, Cámara Oficial de Comercio, Industria e Navegación, CIFP Carlos Oroza, Asociación Galega de Emprendedores, asociación Noitebra de Valongo (Cotobade)
· Informouse da solicitude de proxectos de cooperación interterritorial e transnacional do MARM e da concesión de 400.000 euros para o proxecto “Adquisición da Marca de Calidade Territorial Europea (MCTE)”
· Deuse conta dos seus obxectivos máis específicos:
- Transferir instrumentos e metodoloxías de construción de Marca de Calidade Territorial, de territorios que xa a teñen ós que inician o proceso de creación
- Dinamizar o territorio, tanto responsables públicos como privados, en base á necesidade de traballar pola calidade territorial
· E da solicitude á Mancomunidade Terras de Pontevedra, da autorización para unha posible utilización da marca “Terras de Pontevedra” (logo, nome, imaxe) dentro dos ámbitos agroalimentario, artesanía turismo rural, etc.
· Os temas económicos tamén centraron unha parte importante da orde do día. Informouse da situación financeira do grupo e a Asemblea dou o visto e prace aos orzamentos previstos de gastos de funcionamento dos anos 2009 e 2010 e aprobou a proposta de establecemento de cotas periódicas, por un total de 183.822 euros a imputar aos 12 concellos asociados, segundo a súa poboación rural (2007), e que se devengarán en seis anualidades (período 2010-2015) para garantir o funcionamento do GDR Pontevedra –Morrazo.
· Informouse da marcha da convocatoria de axudas do programa LEADER Pontevedra–Morrazo 2007–2013: Das reunións cos Técnicos Locais de emprego, coas 9 mesas sectoriais, da realización das 12 xornadas informativas (unha por cada un dos concellos) e das máis de 85 consultas de proxectos rexistradas:
- Proxectos de aproveitamentos da Biomasa con e sen fins enerxéticos, compostaxe etc
- Creación empresas do sector téxtil
- Creación cooperativa viño, mazás, produción de cervexa
- Empresa de servizos de reparación e conservación vivendas, sector eólico
- Explotación cabalar, picadeiros, escola equitación
- Roteiros de Sendeirismo
- Turismo rural
- Empresas de servizos turísticos, parapente, piragüismo
- Ampliación de instalacións agrarias
- Rehabilitación e equipamento de centros sociais
- Centro de adestramento deportivo de animais e gardería
- Centro de Día para non dependentes
- Empresas de servizos forestais
- Centro de eventos socioculturais
- Comedor asistencial e albergue
- Rede Wimax- Wifi
- Paxina Web, portal comercio electrónico
- Recuperación de patrimonio cultural e natural. Rede natura etc
- Plans de ordenación de montes,deslindes
- Centro de reciclaxe material electrónico etc
- Escola ambiental con albergue, centros de interpretación
- Centro especial de emprego de xardinería e medio ambiente
- Explotacións ecolóxico- gandeiras
- Explotacións agrarias , frutícolas, ecolóxicas etc
- Planta de compostaxe algas etc
...
· Finalmente, aprobouse a participación do GDR Pontevedra-Morrazo, na creación ou constitución dunha rede de grupos de desenvolvemento rural de Galicia
Para mais información 695 333 087

Pontevedra pecha o ciclo de xornadas informativas do programa LEADER Pontevedra-Morrazo

2009-10-26T00:00:00.000-07:00

O Pazo de Cultura do concello de Pontevedra alberga este luns 26 de outubro ás 20:00 horas, a derradeira xornada informativa do ciclo de charlas divulgativas que o GDR está a desenvolver polos 12 concellos, con motivo da apertura da convocatoria de axudas do programa LEADER Pontevedra-Morrazo 2007-2013.

O acto, aberto ao público en xeral, contará coa presenza do Alcalde de Pontevedra e presidente do GDR Pontevedra-Morrazo, Miguel Anxo Fernández Lores e do equipo técnico do GDR. A xornada comezará cunha breve exposición das liñas de actuación do programa LEADER, da tipoloxía de proxectos susceptibles de seren subvencionados, así como dos requisitos, procedementos eta que haberá que cumprir para optar con éxito aos mais de catro millóns de euros de fondos públicos dos que dispón o Programa.

Posteriormente, aproveitarase a ocasión para explicar de xeito global o proxecto de cooperación, recentemente concedido polo Ministerio do Medio Ambiente Rural y Marino; “Adquisición da marca de calidade territorial europea” no que o GDR participa xunto con 29 grupos mais do resto do estado. Finalmente, abrirase unha quenda de preguntas, para que os asistentes poidan plantexar as inquedanzas, cuestións ou dúbidas que lles suscite o programa.

Lembremos que dende a apertura da Convocatoria de axudas do 24 de Agosto de 2009, ademais da posta en marcha da oficina técnica, o GDR Pontevedra –Morrazo ven realizando xuntanzas específicas para impulsar posibles proxectos plantexados na fase de diagnóstico a través das mesas sectoriais do grupo, e xornadas divulgativas abertas ao público en cada un dos doce concellos que integran o GDR, co obxecto de dinamizar e achegar a información aos potenciais beneficiarios; asociacións, comunidades de montes, PEMES, emprendedores e promotores en xeral.

GDR Pontevedra-Morrazo comeza o seu traballo na "Adquisición da Marca de Calidade Territorial Europea" conxuntamente con 28 grupos rurais de España

2009-10-09T04:30:00.000-07:00

O Grupo de Desenvolvemento Rural Pontevedra-Morrazo (concellos de Barro, Bueu, Campo Lameiro, Cangas, Cotobade, A Lama, Marín, Moaña, Poio, Ponte Caldelas, Pontevedra e Vilaboa) inicia a posta en marcha do proxecto de cooperación "Adquisición da Marca de Calidade Territorial Europea" aprobado polo Ministerio de Medio Ambiente y Medio Rural y Marino para este ano 2009 por 400.000 euros coa súa participación no Seminario de formación do persoal técnico dos territorios que se esta a celebrar na sede do Grupo "GAL Asoc. Comarcal Castillos del Medio Tajo" en Torrijos (Toledo) os días 6 e 7 de outubro.

Este proxecto está integrado por 28 territorios rurais de España que desexan construír a súa Marca de Calidade Territorial (MCT) a partir da experiencia e obxetivos alcanzados por outros territorios que xa dispoñen da súa propia Marca de Calidade Territorial Europea “Calidade Rural” (MCTE). O fin último é dispor dunha Marca Territorial propia e a concesión de uso da coetiqueta europea “Calidade Rural”, pero para acadalo se precisa da transferencia de experiencias, coñecementos, regulamentos e metodoloxías xa desenvolvidas polos territorios que as construíron.

Os obxetivos xerais céntrase en:
- Crear unha Marca de Calidade Territorial nos territorios que participan, que poida estar homologada pola Marca de Calidade Territorial Europea e incorporarse á devandita rede, para afianzar a súa calidade territorial baseada na calidade económica, social e medioambiental dos territorios, reforzando a súa identidade e sentido de pertenza.
- Consolidar os tecidos productivos dos territorios, as súas capacidades de emprego, renda e benestar dos seus cidadáns.
- Facer viables os territorios rurais que están comprometidos con un modelo de desenvolvemento sostible, con responsabilidade social, participación e solidaridade

E entre os obxetivos máis específicos, cabe destacar:
- Transferir instrumentos e metodoloxías de construcción de Marca de Calidade Territorial, de territorios que xa a teñen ós que inician o proceso de creación.
- Dinamizar o territorio, tanto responsables públicos como privados, en base á necesidade de traballar pola calidade territorial.
- Ampliar a MCTE a outros países: Portugal, Francia, Italia e Hungría.

Igualmente, durante a reunión do 23 de setembro, se fixaron o propuxeron a realización das accións máis inmediatas:
- Seminario de formación do persoal técnico dos territorios. A celebrar na sede do Grupo "GAL Asoc. Comarcal Castillos del Medio Tajo" en Torrijos (Toledo) os vindeiros 6 e 7.
- Viaxes de estudo en España, a dous territorios en fase de implantación avanzada de súa Marca Territorial. Como complemento da acción anterior, se organizarán dúas visitas sobre o terreo a territorios con experiencia previa e con implantación de súa marca en sectores variados, unha ó Condado de Jaén/Poniente Granadino e outra ó Valle del Ese Entrecabos.

Lembremos que na Xunta Directiva do GDR Pontevedra-Morrazo celebrada o pasado 23 de xullo de 2009 ratificouse a participación en dous proxectos da convocatoria de Cooperación Interterritorial e Transnacional do Ministerio de Medio Ambiente y Medio Rural y Marino, no marco da Red Rural Nacional, correspondente ó exercicio 2009.

Dos dous proxectos presentados á convocatoria de cooperación interterritorial e transnacional; “ADQUISICIÓN DA MARCA DE CALIDADE TERRITORIAL EUROPEA (MCTE)” cun orzamento solicitado de 2.000.000€ para 30 grupos de toda España durante o período 2009-2011, e “MELLORA DAS ESTRUCTURAS DE COMERCIALIZACIÓN AGROALIMENTARIAS (COMAGROAL)” cun orzamento inicial de 1.050.000€ para 5 grupos durante o período 2009-2012, foi concedido pola Red Rural Nacional o proxecto de cooperación "Adquisición da Marca de Calidade Territorial Europea" cunha subvención total de 400.000€ a executar na anualidade 2009, contía que obrigou a reprogramar todo o plan de actuación global no Comité de Pilotaxe convocado o 23 de setembro e presentalo ante o Ministerio para a súa aprobación definitiva.

PARA MÁIS INFORMACIÓN PODE DIRIXIRSE Ó TELÉFONO 695 333 087 / 986 10 81 44

Próximas xornadas informativas nos Concellos do GDR PONTEVEDRA - MORRAZO:
> CONCELLO DE BARRO: día 15 de outubro ás 20:00 h no Salón de actos da biblioteca de Barro.
> CONCELLO DE POIO: día 19 de outubro ás 20:00 h no Casal de Ferreiros de Poio.
> CONCELLO DE PONTEVEDRA: día 26 de outubro ás 20:00 h no Pazo da Cultura de Pontevedra.

O GDR Pontevedra-Morrazo incentiva a participación activa da poboación a través dunhas xornadas informativas no programa LEADER

2009-09-18T00:00:00.000-07:00

O Grupo de Desenvolvemento Rural Pontevedra-Morrazo continúa coa labor de difusión e promoción da convocatoria de axudas do programa Leader 2007-2013 cunha programación de reunións informativas en cada un dos doce concellos que integran a asociación (Barro, Bueu, Campo Lameiro, Cangas, Cotobade, A Lama, Marín, Moaña, Poio, Ponte Caldelas, Pontevedra e Vilaboa).
Rematadas as xuntanzas de traballo coas Mesas Sectoriais do GDR Pontevedra-Morrazo, onde se contou cunha ampla participación dos axentes sociais máis representativos de ámbalas dúas comarcas e se abriron liñas de traballo para a aplicación dos fondos do programa Leader, comézase agora unha rolda de xornadas divulgativas municipais para difundir a recente apertura da convocatoria de axudas no marco do programa LEADER que tivo lugar o pasado día 24 de agosto e dar a coñecer entre os potencias beneficiarios tódalas liñas de actuacións subvencionables nas que se poden investir os 4.231.311 euros dos que dispón o programa.
Estas xuntanzas, que se celebrarán ó longo de 5 semanas, están abertas a calqueira persoa con inquedanzas empresarias, asociacións relacionadas coa economía social ou de mulleres, veciñais, xuvenís, culturais, recreativas, medio-ambientais, forestal, agro-gandeiras...etc, e a todo o público en xeral que teña interese sobre o contido e alcance do programa Leader.

> Calendario previsto (pdf. 40 Kb)

> Folleto do programa LEADER Pontevedra-Morrazo (pdf. 2,07 Mb)

> Modelo de adhesión como socio do GDR (pdf. 60 Kb)

As Mesas Sectoriais do GDR Pontevedra-Morrazo centran o seu traballo na aplicación dos fondos do programa LEADER 2007-2013

2009-09-11T00:00:00.000-07:00

O Grupo de Desenvolvemento Rural Pontevedra-Morrazo (concellos de Barro, Bueu, Campo Lameiro, Cangas, Cotobade, A Lama, Marín, Moaña, Poio, Ponte Caldelas, Pontevedra e Vilaboa) retomaron as liñas de traballo propostas na convocatoria para a aplicación dos fondos do programa Leader con gran participación dos axentes sociais máis representativos das comarcas de Pontevedra e do Morrazo.
Na reunión mantida co mesa de Igualdade, o pasado mércores, falouse da apertura da convocatoria de axudas que tivo lugar o día 24 de agosto e que permanecerá aberta ata o 1 de setembro de 2013, e da aplicación transversal do principio de igualdade de oportunidades e non discriminación dentro do programa Leader.
A mesa sectorial de “Económica e Laboral” á que asistiron representantes das asociacións empresariais, sindicatos e cooperativas e as súas federacións, centrouse na necesidade de orientar as medidas subvencionables tanto na creación de emprego no territorio como cara proxectos de carácter produtivo. Tamén se salientou a importancia da creación de redes básicas de novas teconoloxías como a implantación dunha rede wimax prevista xa na candidatura dentro da medida de cooperación, e se informou de dous proxectos de cooperación solicitados ao ministerio.
Así mesmo, a mesa “Agro-gandeira” reunida o mesmo día pola tarde e que contou coa participación das organizacións agrarias, asociacións e institucións e empresas deste sector, acordou apostar pola posta en valor vitivinícola das comarcas de Pontevedra e do Morrazo coa recuperación e valorización de variedades autóctonas como a tinta femia e o caíño, independentemente da súa incorporación ou non baixo a Denominación de Orixe de Rías Baixas.
Por outra banda, hoxe venres reuniuse no Pazo da Cultura a Mesa do “Terceiro sector” integrada polas asociacións relacionadas coa economía social para avaliar as liñas de actuación e posibles proxectos que se poden presentar ao programa LEADER; centros de día para persoas non dependentes, residencias comunitarias para discapacitados, etc.
Ademais ó longo da vindeira semana están previstas as xuntanzas das mesas sectoriais de “Medio Ambiente” o luns ás 20:00, de “Turismo e Artesanía” o martes ás 11:00, de “Xuvenís, culturais, recreativas e veciñais” o mércores ás 20:00 e de “Comunidades de Montes” o xoves ás 20:00 no Pazo da Cultura.
Tódalas entidades participantes no Grupo de Desenvolvemento Rural se comprometeron a maior difusión das axudas entre os seus asociados, así como a colaborar na divulgación das vindeiras xornadas informativas a desenvolver nos concellos de A Lama, Barro, Bueu, Cangas, Campo Lameiro, Cotobade, Marín, Moaña, Poio, Ponte Caldelas, Pontevedra e Vilaboa.

Apertura da convocatoria de axudas do programa LEADER Pontevedra – Morrazo 2007-2013

2009-09-01T00:00:00.000-07:00

O Grupo de Denselvolvemento Rural Pontevedra-Morrazo (concellos de Barro, Bueu, Campo Lameiro, Cangas, Cotobade, A Lama, Marín, Moaña, Poio, Ponte Caldelas, Pontevedra e Vilaboa) inicia a súa andaina coa apertura da convocatoria de axudas do programa Leader 2007-2013 o día 24 de agosto.

Na sesión ordinaria da Xunta Directiva celebrada o 23 de xullo de 2009 acordouse por unanimidade a apertura da convocatoria de axudas do programa Leader 2007-2013 para todo o período de actividade, sometida ás anualidades que correspondan a cada medida. A data de admisión de solicitudes comenza o día 24 de agosto de 2009 e remata o 1 de setembro de 2013.

Esta convocatoria réxese polo Réxime de Axudas publicado, xunto coas Bases Reguladoras para a selección de programas de desenvolvemento rural, no DOG núm. 115 do luns 16 de xuño de 2008 e pola súa modificación publicada no DOG núm. 15 do xoves 22 de xaneiro de 2009.

As solicitudes, xunto coa documentación complementaria, presentaranse no rexistro da oficina técnica do GDR ubicada na rúa de Santa Clara 4-2º; 36002 Pontevedra. Máis información no teléfono 986 10 81 44, no fax 986 10 80 09 ou no correo electrónico gdr19@mundo-r.com.

> Resumo informativo da convocatoria de axudas do programa LEADER Pontevedra - Morrazo 2007-2013 (pdf 107 Kb)
> Resumo do réxime de axuda e baremo de aplicación (pdf 232 Kb)

Modelos de solicitude de axuda do promotor (en versión Office 2007):

Impresos electrónicos:

>Modelo Orzamento Presentado(xls. 644 Kb)

>Modelo Comparación Ofertas (doc. 535 Kb)

>Modelo Declaración Doutras Axudas (doc. 509 Kb)

>Modelo Plan de Xestión Non Produtivos (doc. 512 Kb)

>Modelo Resumo Proxecto e Plan de Empresa (doc. 436 Kb)

>SOLICITUDE DE AXUDA LEADER (doc. 536 Kb)

Impresos papel:

>Modelo Orzamento Presentado (pdf. 38,1 Kb)

>Modelo Comparación Ofertas (pdf. 55,6 Kb)

>Modelo Declaración Doutras Axudas (pdf. 49,4 Kb)

>Modelo Plan de Xestión Non Produtivos (pdf. 59,9 Kb)

>Modelo Resumo Proxecto e Plan de Empresa (pdf. 64,6 Kb)